Culfa rayonunda tikinti-quraşdırma işləri davam edir
Culfa, 21 mart, AZƏRTAC
Naxçıvan Muxtar Respublikasında həyata keçirilən yenidənqurma və təmir-bərpa işləri Culfa rayonunda da sürətlə davam edir.
AZƏRTAC-ın Naxçıvan bürosu xəbər verir ki, hazırda Culfa şəhərində Rayon Dövlət Yanğın Təhlükəsizliyi Şöbəsi və Təhsil Şöbəsi üçün yeni inzibati binalar inşa olunur.
Culfa Rayon Dövlət Yanğın Təhlükəsizliyi Şöbəsi üçün yeni inzibati bina və texniki qarajları tikilir. İnşa edilən obyektdə iş otaqları, arxiv və müşahidə zalı yerləşəcək.
Rayonda quruculuq ünvanlarından biri də Heydər Əliyev prospektində inşa edilən Təhsil Şöbəsinin yeni inzibati binasıdır. Tikintisinə 2019-cu ildə başlanan inzibati bina 2 mərtəbədən və 3 korpusdan ibarət olacaq. Birinci mərtəbədə rayon Təhsil Şöbəsinin tabeliyində olan məktəbdənkənar müəssisələr, texniki yaradıcılıq və uşaq yaradıcılıq mərkəzləri, ikinci mərtəbəsində isə təhsil şöbəsinin iş otaqları yerləşəcək.
Bölmənin digər xəbərləri
