Dağ çaylarında yüksək sululuq müşahidə olunmuşdur
Bakı, 16 mart (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, mart ayının ikinci ongünlüyünün əvvəlində yağıntılarla əlaqədar dağ çaylarında sululuq normadan artıq olmuşdur.
Böyük Qafqazın Balakən-Şəki bölgəsi çaylarında sululuq ongünlük normanın 230-285, Kiçik Qafqaz çaylarında 80-120, Quba-Xaçmaz çaylarında 80-170, Lənkəran-Astara çaylarında 95-130, Naxçıvan Muxtar Respublikası çaylarında isə 50-60 faizini təşkil etmişdir.
Kür çayının Qıraqkəsəmən məntəqəsində su sərfi saniyədə 181 kubmetr, Qanıx çayının Əyriçay məntəqəsində isə saniyədə 4 kubmetr olmuşdur.
Hazırda Surra məntəqəsində suyun səviyyəsi 614, Şirvanda 520, Bankədə 341, Salyanda 466, Araz çayının Novruzlu məntəqəsində isə 347 santimetrdir.
Bölmənin digər xəbərləri
