DAXİLİ İŞLƏR ORQANLARININ ƏMƏKDAŞLARI MƏCBURİ KÖÇKÜNLƏRLƏ GÖRÜŞMÜŞLƏR
Ermənilərin təcavüzü nəticəsində doğma torpaqlarını itirmiş insanların ehtiyacları, qayğıları ilə maraqlanan və nazir Ramil Usubovun salamını çatdıran Əsgər Ələkbərov bu cür şəxslərə dövlətimizin və onun başçısının gündəlik diqqət və qayğı göstərdiyini, bu görüşün məhz ölkəmizin Prezidentinin tapşırığı əsasında keçirildiyini vurğulamışdır.
Daxili işlər orqanlarının əməkdaşları könüllülük prinsipi əsasında şəxsi vəsaitləri hesabına topladıqları 240 milyon manatı yurd-yuvalarından məhrum olmuş insanlara çatdırmışlar. Nazir müavini bu ilin ölkəmiz üçün əvəzsiz itki – bütün dünya azərbaycanlılarının, xalqımızın ümummilli lideri Heydər Əliyevin əbədiyyətə qovuşması ili kimi yaddaşlarda kədərli və silinməz iz qoyduğunu xatırlatmış, böyük öndərimizin irsinin bundan sonra da yaşadılacağını və onun layiqli siyasi varisi Prezident İlham Əliyev tərəfindən həyata keçiriləcəyini bildirmişdir.
Polis əməkdaşlarının topladıqları daha 70 milyon manat isə Naftalan şəhərində müvəqqəti məskunlaşmış soydaşlarımıza verilmişdir.
