Doqquz ayda Lənkəranda ümumi məhsul istehsalı artıb
Lənkəran, 11 noyabr, Bağır Əliyev, AZƏRTAC
Bu ilin doqquz ayında Lənkəran rayonunda fəaliyyət göstərən müəssisə, təşkilat və fərdi sahibkarlar tərəfindən 333589,7 min manatlıq və ya əvvəlki ilin müvafiq dövrü ilə müqayisədə 0,1 faiz çox ümumi məhsul istehsal edilib.
Bu barədə AZƏRTAC-ın bölgə müxbirinə Lənkəran Rayon Statistika İdarəsindən məlumat verilib.
Bildirilib ki, rayonda istehsal olunan ümumi məhsulun 37,9 faizi ticarət və nəqliyyat vasitələrinin təmiri, 29,5 faizi kənd təsərrüfatı, meşə təsərrüfatı və balıqçılıq, 17,8 faizi sənaye, 12,5 faizi tikinti, 1,6 faizi nəqliyyat və anbar təsərrüfatı, 0,7 faizi isə informasiya və rabitə sahələrində istehsal edilib.
Bölmənin digər xəbərləri
