Dövlət Departamenti: ABŞ Zaporojye AES-dəki hadisələri diqqətlə izləyir
Bakı, 11 iyul, AZƏRTAC
Amerika Birləşmiş Ştatları Zaporojye AES-də fəlakətin yaranmasının qaçılmaz nəticələri barədə Rusiya hakimiyyətinə xəbərdarlıq edib.
AZƏRTAC xəbər verir ki, bunu ABŞ Dövlət Departamentinin nümayəndəsi Metyu Miller deyib.
Bildirib ki, Rusiya rəhbərliyi nüvə fəlakəti yaratmaq riski barədə hərtərəfli düşünməlidir: “Əgər bu baş verərsə, beynəlxalq ictimaiyyət Rusiyanı mütləq məsuliyyətə cəlb edəcək”.
Miller həmçinin əlavə edib ki, ABŞ Zaporojye AES-dəki hadisələri diqqətlə izləyir. O vurğulayıb ki, MAQATE-nin zavodun bütün hissələrinə tam çıxışı olmalıdır.
Bölmənin digər xəbərləri
