Dövlət Məşğulluq Agentliyi və "Xəzər Media Mərkəzi” əməkdaşlığa başlayır
Bakı, 25 fevral, AZƏRTAC
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və "Xəzər Media Mərkəzi"nin rəhbərliyi arasında görüş olub.
Yeni əməkdaşlıq perspektivlərinin müzakirə edildiyi görüşdə agentliyin İdarə heyətinin sədri Mustafa Abbasbəyli, Xəzər televiziyasının baş direktoru Murad Dadaşov və digər şəxslər iştirak edib.
Görüşdə M.Abbasbəyli agentliyin fəaliyyət istiqamətləri və rəqəmsal layihələr barədə məlumat verib, insan resursları sahəsində əməkdaşlıq məsələləri ilə əlaqədar müzakirələr aparıb.
Agentliyin Strateji kommunikasiyalar departamentindən AZƏRTAC-a verilən məlumata görə, insan resursları fəaliyyətinin rəqəmsallaşdırılması, istedadların cəlb olunması prosesinin idarə olunması, əməkdaşların qiymətləndirilmə mexanizmləri və təcrübə mübadiləsi kimi məsələlərdə "Xəzər Media Mərkəzi"nə dəstək göstəriləcəyi qeyd edilib.
Murad Dadaşov birgə əməkdaşlığın nəticəsi olaraq "Xəzər Media Mərkəzi"nin daxili strukturunun daha da təkmilləşəcəyi və müasirləşəcəyinə ümid etdiyini bildirib.
Bölmənin digər xəbərləri
