Dövlət Xidməti: Vətəndaşların 464 müraciəti üzrə araşdırma aparılır
Bakı, 19 iyul, AZƏRTAC
2023-cü ilin yanvar-iyun ayları ərzində İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinə vətəndaşlar tərəfindən 3 min 458 müraciət daxil olub və baxılıb.
Dövlət Xidmətindən AZƏRTAC-a bildirilib ki, müraciətlərdən 1274-ü təmin olunub, 1420 müraciətdə vətəndaşlara qanunamüvafiq izahat və tövsiyə verilib, 230-u ərizə baxılması üçün aidiyyəti orqanlara göndərilib, 30-da araşdırma aparılıb və ərizələrdə qeyd olunan faktlar aşkar edilməyib, 30-da zəruri sənədlər təqdim edilmədiyindən müraciətə baxılması dayandırılıb, 10-da aidiyyəti üzrə müraciət etmələri tövsiyə olunub. Hazırda 464 müraciət üzrə araşdırma davam edir.
Bölmənin digər xəbərləri
