Dubayda dünyada ilk beş ulduzlu sualtı kurortun tikintisinə başlanılıb
Dubay, 1 mart, AZƏRTAC
Dubay şəhərində yerləşən süni arxipelaqda dünyada ilk beş ulduzlu “The Floating Venice” (Üzən Venesiya) sualtı kurortunun inşasına başlanıb.
AZƏRTAC yerli KİV-ə istinadla xəbər verir ki, bu barədə layihənin icraçısı Dubayda daşınmaz əmlak sahəsində fəaliyyət göstərən “Kleindienst Group” şirkəti açıqlama verib.
İtaliyanın məşhur San-Marko meydanı formasını xatırladan tikiləcək kurort, dörd səviyyədə yerləşəcək 414 ayrı otaqdan ibarətdir. Onlardan 180-ı, həmçinin dünyada ilk üzən sualtı spa-salon və idman zalı, bir neçə mağaza və restoranlar suyun altında yerləşəcək. Pəncərələrdən təkrarolunmaz mənzərə və mərcan qayəsi görünəcək.
Asya Hacızadə
AZƏRTAC-ın xüsusi müxbiri
Dubay
Bölmənin digər xəbərləri
