Dünya çempionatının Avropa üzrə seçmə mərhələsinin doqquzuncu turunda daha səkkiz qarşılaşma keçirilib

13.11.2021 [02:36]
Çap et
A⁺ A^-

Bakı, 13 noyabr, Nicat Məmmədov, AZƏRTAC

Noyabrın 12-də futbol üzrə dünya çempionatının Avropa zonası üzrə seçmə mərhələsinin doqquzuncu turunda növbəti oyunları keçirilib.

AZƏRTAC xəbər verir ki, gün ərzində 3 qrupda 8 qarşılaşma oynanılıb.

C qrupunda 14 xala malik qrup liderləri - İtaliya və İsveçrə yığmaları üz-üzə gəlib. Görüş 1:1 hesablı heç-heçə ilə yekunlaşıb. Qrupun digər görüşündə isə Litva səfərdə Şimali İrlandiyaya minimal hesabla uduzub. Bu qrupdan İtaliya və İsveçrə ən azı pley-offda iştirak hüququ əldə edib.

F qrupunda Danimarka seçməsi DÇ-2022-də iştirakı vaxtından əvvəl təmin edib. Bununla belə, skandinaviyalılar Farer adaları üzərində inamlı qələbə qazanıblar. Şotlandiya isə Moldova səfərində 3 xal qazanaraq, qrupda ikinci pilləni rəsmiləşdirib.

I qrupunda isə İngiltərə Albaniyanı 5:0 hesabı ilə darmadağın etsə də, mundiala birbaşa vəsiqəni rəsmiləşdirə bilməyib. Çünki Polşa da Andorra səfərində böyük hesablı qələbəyə nail olub. Bununla belə, İngiltərə və Polşa ilk 2 pilləni təmin edərək, ən azı pley-offa vəsiqə qazanıblar.

Günün bütün görüşlərində və qruplarda olan vəziyyət aşağıdakı kimidir:

C qrupu

Şimali İrlandiya - Litva - 1:0;

İtaliya - İsveçrə - 1:1.

Qrupdakı vəziyyət: İtaliya 15 (7 oyuna), İsveçrə - 15 (7), Bolqarıstan - 8 (7), Şimali İrlandiya - 8 (7), Litva - 3 (7).

F qrupu

Moldova - Şotlandiya - 0:2;

Danimarka - Şimali İrlandiya - 3:1;

Avstriya - İsrail - 4:2.

Qrupdakı vəziyyət: Danimarka - 27, Şotlandiya - 20, İsrail - 13, Avstriya - 13, Farer adaları - 4, Moldova - 1.

I qrupu

Andorra - Polşa - 1:4;