Dünya Qadın Seriyası: 3x3 basketbolu üzrə Azərbaycan millisi mübarizəni dayandırıb
Bakı, 14 avqust, AZƏRTAC
Avqustun 14-də Polşada təşkil olunan 3x3 basketbol üzrə Dünya Qadın Seriyasının Katovitse mərhələsində qrup oyunlarına start verilib.
AZƏRTAC xəbər verir ki, Katovitse mərhələsinin əsas qruplarına düşmək uğrunda mübarizə aparan qadın millimiz ilk görüşündə 7-21 hesabı ilə İsrail yığmasına, ikinci oyununda isə 15-16 hesabı ilə Rumıniya millisinə məğlub olaraq mübarizəni təsnifat mərhələsindəcə dayandırıb. B qrupunda mübarizə aparan təmsilçimiz "Neftçi" isə ilk görüşündə İtaliya millisinə 10-13 hesabı ilə məğlub olub. "Neftçi" qrupdakı növbəti oyununu Bakı vaxtı ilə saat 18:55 -də Litva seçməsinə qarşı keçirəcək.
Qeyd edək ki, qruplarda ilk iki yeri tutmuş komandalar 1/4 finala vəsiqə qazanacaqlar.
Bölmənin digər xəbərləri
