Effektiv idarəetmə və makroiqtisadi göstəricilər üzrə işçi qrupun növbəti iclası olub
Bakı, 12 avqust, AZƏRTAC
Biznes Mühiti və Beynəlxalq Reytinqlər üzrə Komissiyanın “Effektiv idarəetmə və makroiqtisadi göstəricilər” işçi qrupunun növbəti iclası keçirilib.
İqtisadi İslahatların Təhlili və Kommunikasiya Mərkəzindən (İİTKM) AZƏRTAC-a bildirilib ki, “Webex” platforması üzərindən həyata keçirilən iclasda Mərkəzi Bank, İqtisadiyyat, Maliyyə, Energetika, Ekologiya, Təbii Sərvətlər nazirlikləri, Dövlət Neft Fondu, Dövlət Statistika Komitəsi, həmçinin İİTKM və “İqtisadi Təşəbbüslərə Yardım” İctimai Birliyinin nümayəndələri iştirak ediblər.
İclasda işçi qrupun 2023-cü ilin birinci yarısında gördüyü işlər müzakirə edilib. Büdcə şəffaflığının təmin edilməsi, dövlət tənzimlənməsinin keyfiyyətinin artırılması, habelə təbii resursların idarə edilməsi indeksi üzrə görülmüş işlərlə bağlı məsələlər əsas müzakirə mövzusu olub.
Qarşılıqlı müzakirə formatında keçən iclasın yekununda görüş iştirakçılarının sualları cavablandırılıb.
Bölmənin digər xəbərləri
