Ekologiya və Təbii Sərvətlər Nazirliyinin əməkdaşları Bakıda növbəti reyd keçiriblər
Bakı, 18 may, AZƏRTAC
Ekologiya və Təbii Sərvətlər Nazirliyinin Bakı şəhər Ekologiya və Təbii Sərvətlər Departamentinin əməkdaşları ekoloji qanunvericiliyin tələblərinə riayət olunmasını yoxlamaq məqsədilə növbəti reyd keçiriblər.
Nazirliyin mətbuat xidmətindən AZƏRTAC-a bildirilib ki, reyd zamanı Suraxanı rayonu, Qaraçuxur qəsəbəsi “Bakı Tikinti Materialları” Açıq Səhmdar Cəmiyyətinin ərazisində istehsalat tullantılarının qalaqlanması faktı aşkar edilib.
Faktla bağlı cəmiyyətin sahə rəisi Vaqif Qəmbərov barəsində protokol tərtib edilib və o, İnzibati Xətalar Məcəlləsinin 271-ci maddəsinə əsasən vəzifəli şəxs qismində 2000 manat məbləğində cərimə olunub.
Bölmənin digər xəbərləri
