ƏMANƏTLƏRİN VƏ DEPOZİTLƏRİN HƏCMİ 21,3 FAİZ ARTMIŞDIR

27.12.2003 [12:04]
Çap et
A⁺ A^-

Bu il dekabrın 1-dək respublika bankları tərəfindən cəlb olunmuş əmanət və depozitlərin ümumi həcmi 2737,8 milyard manat təşkil etmişdir. Milli Bankın mətbuat xidmətindən AZƏRTAC-ın müxbirinə bildirmişlər ki, bu, 2003-ci il yanvarın 1-nə olan göstəriciyə nisbətən 21,3 faiz, keçən ilin müvafiq dövründəkinə nisbətən isə 23,8 faiz çoxdur.

Bu məbləğin 492,7 milyard manatı, yaxud 18 faizi milli valyuta ilə, 2244,9 milyard manatı, yaxud 82 faizi xarici valyuta ilə qoyulan əmanətlərin payına düşür.

Bu il dekabrın 1-nə fiziki şəxslər tərəfindən banklara 1174,7 milyard manat qoyulmuşdur ki, bu da 2003-cü il yanvarın 1-nə olduğundan 53,1 faiz, 2002-ci il dekabrın 1-nə olduğundan isə 57,9 faiz çoxdur.

Həmin müddətdə hüquqi şəxslər tərəfindən banklara 1563,1 milyard manat məbləğində depozitlər qoyulmuşdur ki, bu da 2003-cü il yanvarın 1-nə olan göstəricidən 4,9 faiz və keçən ilin müvafiq dövründə olduğundan 6,5 faiz çoxdur.

ƏMANƏTLƏRİN VƏ DEPOZİTLƏRİN HƏCMİ 21,3 FAİZ ARTMIŞDIR

MÜƏLLİFLƏ ƏLAQƏ

Bölmənin digər xəbərləri