ERMƏNİSTAN VƏ AZƏRBAYCAN RAZILAŞMADAN ÇOX UZAQDADIRLAR
AZƏRTAC-ın verdiyi xəbərə görə, Azərbaycan Prezidenti İlham Əliyev Türkiyənin “Cümhuriyyət” qəzetinə müsahibəsində bildirmişdir ki, Ermənistan-Azərbaycan, Dağlıq Qarabağ münaqişəsinin həlli işində beynəlxalq vasitəçilər - Rusiya, Fransa və Amerika Birləşmiş Ştatları kömək etməyə çalışır ki, biz hər hansı bir razılaşmaya nail olaq. Bu yaxınlarda Minsk qrupunun bəyanatında onların təkliflərinin bəzi detalları açıqlandı. Çünki biz heç bir razılaşmaya gəlməmişik. Ermənistan və Azərbaycan razılaşmadan çox uzaqdadırlar. Biz Minsk qrupu tərəfindən irəli sürülmüş müəyyən təkliflərə etiraz etmədik.
- Azərbaycan heç vaxt danışıqların məxfi aparılmasında maraqlı deyil və gizlədiləcək heç bir şey yoxdur, - deyən dövlətimizin başçısı başqa tərəfin təklifini nəzərə alaraq, danışıqların məxfi şəkildə aparılmasına razılıq verildiyini söyləmişdir. Prezident demişdir: Bir halda ki, Minsk qrupu danışıqlar predmetinin bəzi məqamlarını açıqladı, biz də gərək bu məsələyə bir daha aydınlıq gətirək.
Bölmənin digər xəbərləri
