ETSN: Oğuzda baş verən yanğının söndürülməsi üçün intensiv tədbirlər görülür
Bakı, 1 sentyabr, AZƏRTAC
Oğuz Meşə Mühafizəsi və Bərpası Müəssisəsinin (MMBM) Xaçmaz meşəbəyliyinin 3 saylı dolayında baş verən yanğın güclü külək nəticəsində sonradan Şahdağ Milli Parkının Oğuz bölməsinin ərazisinə keçib.
Ekologiya və Təbii Sərvətlər Nazirliyindən (ETSN) AZƏRTAC-a bildiriblər ki, yüksək dağlıq ərazidə baş verən yanğının söndürülməsi üçün ETSN-in, Fövqəladə Hallar Nazirliyinin əməkdaşları və texnikası hadisə yerinə cəlb olunub. Yanğının əhatə etdiyi ərazi sərt və hündür yamaclıqdan ibarət olduğundan mümkün olan bütün vasitələrdən, əsasən əl əməyindən istifadə edilir.
Hazırda yanğının söndürülməsi istiqamətində ciddi tədbirlər davam etdirilir.
Bölmənin digər xəbərləri
