“Fənərbağça” – “Lokomotiv” oyununda asayişin qorunmasına Rusiya təhlükəsizlik əməkdaşları da cəlb edilib
Bakı, 16 fevral, AZƏRTAC
Rusiya Daxili İşlər Nazirliyinin və “Lokomotiv” klubunun təhlükəsizlik xidmətinin əməkdaşları Türkiyə tərəfinin razılığı əsasında İstanbula gəliblər.
AZƏRTAC “TASS” informasiya agentliyinə istinadla xəbər verir ki, buna səbəb bu gün “Fənərbağça” və Rusiyanın “Lokomotiv” komandaları arasında futbol üzrə Avropa Liqasının 1/16 mərhələsində matçın keçirilməsidir. Rusiya təhlükəsizlik əməkdaşları ictimai asayişin və təhlükəsizliyin təmin edilməsi məqsədilə oyun zamanı stadionun qonaq sektorunda yer alacaq rus fanatlar arasında fəaliyyət göstərəcəklər.
Məlumata görə, Moskva klubunun yüz nəfərlik azarkeşini müşayiət etmək üçün onlara xüsusi avtobus da ayrılıb.
Bölmənin digər xəbərləri
