Fənn müsabiqələrində cari tədris ilində Bakı üzrə 29 şagird qalib olub
Bakı, 16 iyul, AZƏRTAC
2022-2023-cü tədris ilində keçirilən respublika fənn müsabiqələrində Bakı Şəhəri üzrə Təhsil İdarəsinin (BŞTİ) tabeliyindəki məktəblərdə təhsil alan 29 şagird qızıl, gümüş və bürünc medal qazanıb.
BŞTİ-dən AZƏRTAC-a bildirilib ki, onlardan 8-i riyaziyyat, 3-ü fizika, 7-si biologiya, 1-i kimya, 10 nəfəri isə informatika fənni üzrə fərqlənənlər sırasında yer alıb.
Qeyd edək ki, fənn müsabiqələri ümumi təhsil məktəblərinin VI və VII sinif şagirdləri arasında fizika, kimya, biologiya, riyaziyyat və informatika fənləri üzrə keçirilir.
Bölmənin digər xəbərləri
