FERMERLƏRƏ KREDİTLƏRİN VERİLMƏSİ İLƏ BAĞLI QƏRAR ARTIQ HAZIRDIR
Bakı, 3 oktyabr (AZƏRTAC). Dövlət tərəfindən fermerlərə ayrılan kreditlərin verilməsi ilə əlaqədar hazırlanmış qərar artıq Maliyyə Nazirliyinə təqdim olunmuşdur.
Bunu kənd təsərrüfatı nazirinin müavini İlham Quliyev demişdir. Onun sözlərinə görə, 2010-cu ilin dövlət büdcəsində son üç ildə olduğu kimi fermerlərə 10 milyon manat vəsait ayrılmışdır. Kənd Təsərrüfatı Kreditləri üzrə Dövlət Agentliyi tərəfindən veriləcək kreditlər 57 rayon üzrə həyata keçiriləcəkdir.
Bu il kreditlərin böyük hissəsi heyvandarlığın inkişafına (4 milyon 800 min) sərf edilmişdir. Bundan əlavə, meyvə təsərrüfatlarının bərpasına (1 milyon 400 min manat) və quşçuluq təsərrüfatlarının inkişafına da (1 milyon 472 min manat) xeyli vəsait ayrılmışdır.
Bölmənin digər xəbərləri
