Fevzi Kızılkoyun: İşğaldan azad edilmiş ərazilərdə böyük işlər görülür
Zəngilan, 14 avqust, AZƏRTAC
Azərbaycanın işğaldan azad olunan ərazilərinə artıq dördüncü dəfədir ki, gəlirəm. Vətən müharibəsi dövründə reportajlar hazırlamaq üçün buralara gəlmişdim. Həmin vaxt 40 gün sərhədboyu ərazidə qaldım. Çox şükür ki, Vətən müharibəsi Azərbaycanın Qələbəsı ilə başa çatdı.
Bunu Türkiyənin “Hürriyet” qəzetinin jurnalisti Fevzi Kızılkoyun AZƏRTAC-a müsahibəsində deyib.
İki il sonra yenidən bu ərazilərə gəldiyini deyən F.Kızılkoyun işğaldan azad olunan rayon və kəndlərin bərpası üçün fasiləsiz iş aparıldığını vurğulayaraq bildirib: “Bu ərazilərdə bərpa-quruculuq işlərini müşahidə etmək, ailələrin doğma torpaqlarına geri qayıtmasını görmək möhtəşəm hisslərdir. Biz iki gün bu ərazilərdə olacağıq. Laçına, Şuşaya, Ağdama və Füzuliyə də gedəcəyik. Bu torpaqların otuzillik işğaldan sonra şanlı Zəfər nəticəsində azad edilməsi və qısa müddətdə burada görülən işlər inanılmazdır”, - deyə F.Kızılkoyun vurğulayıb.
Bölmənin digər xəbərləri
