Fiziki şəxs ilkin qeydiyyat zamanı hansı vergi mükəlləfiyyətini seçə bilər?
Bakı, 5 sentyabr, AZƏRTAC
Fiziki şəxslər qeydiyyat zamanı hansı vergi mükəlləfiyyətini seçməlidir?
AZƏRTAC Dövlət Vergi Xidmətinə istinadla xəbər verir ki, fiziki şəxs fəaliyyət sahəsinə uyğun hansı vergi mükəlləfiyyəti üzrə vergiödəyicisi olmasını qeyd etməlidir. Əgər vergiödəyicisi əsasən vətəndaşlara xidmət göstərərsə, o zaman sadələşdirilmiş vergi mükəlləfiyyətini seçmək daha məqsədəuyğundur. Bundan əlavə, “Sadələşdirilmiş vergi üzrə sabit məbləğin, məcburi dövlət sosial sığorta və icbari tibbi sığorta haqqının ödənilməsi haqqında qəbz” və “Fərqlənmə nişanı” alan şəxslər də sadələşdirilmiş vergiödəyicisini seçməlidirlər.
“Fiziki şəxslərin gəlir vergisi” mükəlləfiyyəti o zaman seçilə bilər ki, vergiödəyicisi gələcək fəaliyyətində daha çox vergiödəyicisinə və xarici şəxslərə mal təqdim etsin və ya xidmət göstərmiş olsun. İnformasiya texnologiyaları ilə bağlı xidmət həyata keçirən şəxslər əsasən vergiödəyicilərinə xidmət göstərdiyi üçün onların fiziki şəxslərin gəlir vergisi mükəlləfiyyətini seçməsi məqsədəuyğundur.
Qeyd olunub ki, vergiödəyicisinin həm sadələşdirilmiş, həm də gəlir vergisi ödəyicisi mükəlləfiyyətlərini seçməsi də mümkündür.
Bölmənin digər xəbərləri
