Fiziki sistemlərin intellektual analizi və sintezi problemləri üzrə tədqiqatlar davam etdirilir
Bakı, 2 avqust, AZƏRTAC
Elm və Təhsil Nazirliyinin İnformasiya Texnologiyaları İnstitutunda ötən 6 ay ərzində müasir informasiya texnologiyalarının elmi-nəzəri əsaslarının tədqiqi və inkişaf etdirilməsi istiqamətində “Sənaye 4.0” platformasında kiberfiziki sistemlərin intellektual analizi və sintezi problemləri üzrə tədqiqatlar aparılıb.
AZƏRTAC xəbər verir ki, bu barədə şöbə müdiri Şakir Mehdiyev məlumat verib. Bildirilib ki, bu problem çərçivəsində “Kiberfiziki sistemlərin dayanıqlığının təmin edilməsi üçün metod və alqoritmlərin işlənməsi”, “Kiberfiziki sistemlərdə sensor və sensor şəbəkələrinin enerji dayanıqlılığının artırılması üçün metod və alqoritmlərin işlənməsi”, “Kritik infrastrukturlu sistemlərin kiberdayanıqlılığının təmin edilməsi üçün metod və alqoritmlərin işlənməsi” mövzuları üzrə araşdırmalar aparılıb, müəyyən nəticələr əldə olunub. Həmçinin mobil sensor şəbəkələrində etibarlılığın təmin edilməsi metodları, fərdi məlumatların təhlükəsizliyi məsələləri, kiberhücumların monitorinqi mövzularında tədqiqatlar aparılıb.
Bölmənin digər xəbərləri
