Azərbaycan Dövlət İnformasiya Agentliyi

ELM VƏ TƏHSİL

Fond sədri: Təhsil işçilərinə dəstək məqsədilə “TəhsilPlus” kartı istifadəyə veriləcək - MÜSAHİBƏ

Fond sədri: Təhsil işçilərinə dəstək məqsədilə “TəhsilPlus” kartı istifadəyə veriləcək -  MÜSAHİBƏ

Bakı, 22 yanvar, AZƏRTAC

Təhsil yalnız biliklərin ötürüldüyü bir sahə deyil, o, həm də sosial dəyişikliklərə yol açan əsas qüvvədir. Azərbaycanda Təhsilin İnkişafı Fondu bu missiyanı öz üzərinə götürərək gənclərin potensialını artırmaq, regionlarda təhsilə əlçatanlığı genişləndirmək və dövlət-özəl tərəfdaşlığını gücləndirmək üçün cəsarətli addımlar atır. Fondun sədri Elnur Nəsibov AZƏRTAC-a müsahibəsində “TələbəPlus” kimi innovativ proqramlardan, regionların və işğaldan azad edilmiş ərazilərin təhsil perspektivlərindən, eləcə də təhsil sisteminin gələcəyindən danışıb. Onunla müsahibəni təqdim edirik.

-Elnur müəllim, Təhsilin İnkişafı Fondunun missiyası nədir?

-Təhsilin İnkişafı Fondu 2021-ci ildə ölkə Prezidenti İlham Əliyevin müvafiq Fərmanı ilə yaradılıb. Fond 2022-ci ilin aprel ayından etibarən fəaliyyətə başlayıb. Fondun əsas missiyası Azərbaycanda təhsil sisteminin inkişafına yönəlmiş proqram və layihələrin dəstəklənməsi və dövlət təhsil müəssisələrinin maddi-texniki bazasının müasir tələblərə uyğunlaşdırılması yolu ilə təhsilin dayanıqlı inkişafına nail olmaqdan ibarətdir. Məqsədlərimiz təhsilin inkişafı ilə bağlı dövlət siyasətinin hazırlanmasına dəstək olmaq, təhsil və iqtisadiyyat arasında inteqrasiyanın gücləndirilməsinə töhfə vermək və təhsilin inkişafı üzrə mexanizmlərin hazırlanması və icrasında iştirak etməkdir.

-Azərbaycan təhsilinin inkişafında hansı problemləri həll etməyə çalışırsınız?

-Fond Elm və Təhsil Nazirliyinin tabeliyində fəaliyyət göstərir. Təhsilin İnkişafı Fondunun fəaliyyət planları nazirliyin prioritet və planlarına uyğun hazırlanır və təsdiq edilir. “Azərbaycan Respublikasının 2022–2026-cı illərdə Sosial-İqtisadi İnkişaf Strategiyası”nın 3-cü fəslində “Fəaliyyət istiqaməti: Ali təhsildə əlçatanlığın və keyfiyyətin artırılması, beynəlxalq rəqabətliliyin təmin edilməsi” bölümündə insan kapitalının inkişafına dəstəyin artması qeyd olunur. Fond olaraq bu sosial-iqtisadi inkişaf strategiyasına uyğun öz fəaliyyətlərimizi formalaşdırırıq. Təhsil çox geniş və vacib sahədir. 400 mindən artıq təhsil işçisi varsa, təhsilalanların sayı daha çoxdur.

-2024-cü il ərzində Fondun həyata keçirdiyi layihələr və təşəbbüslər haqqında qısaca məlumat verə bilərsinizmi?

-Ötən il Fondumuz üçün çox səmərəli il oldu. Təhsil sahəsində keyfiyyət, məzmun, infrastruktur ilə bağlı bir sıra mühüm layihələr həyata keçirdik. “Hənifə Məlikova – Zərdabi adına qızların təhsilinə dəstək” təqaüd proqramı, “Parla” təqaüd və inkişaf proqramı, “Zərif mühəndislər” təqaüd proqramı, “Maya Hacıyeva adına İKT bacarıqları” təqaüd proqramı, “Qırmızı Ürəklər Təhsil Təqaüd Proqramı” kimi layihələrimiz qızların təhsili ilə bağlıdır. Ötən il ərzində təqaüd proqramlarımıza 7518 nəfər müraciət edib. Onlardan 448 nəfər qalib olaraq proqramlardan faydalanıb. Hazırda Fond olaraq 361 nəfərə aylıq olaraq 200 manat məbləğində təqaüd verilir.

2024-cü ilin oktyabr ayında Təhsilin İnkişafı Forumu keçirildi. Forumda 3 paneldə 364 yerli və beynəlxalq iştirakçılar yer aldı. Artıq ikinci təşkil olunan bu forum hər il davamlı olaraq tərəfimizdən keçiriləcək.

4 ali təhsil müəssisəsində - Azərbaycan Dövlət Pedaqoji Universiteti (ADPU), Azərbaycan Texniki Universiteti (AzTU), Azərbaycan Dövlət Neft və Sənaye Universiteti (ADNSU) və Sumqayıt Dövlət Universitetində (SDU) Davamlı İnkişaf Mərkəzləri yaradılıb.

Bundan əlavə, Təhsilin İnkişafı Fondu (TİF) özəl sektorla əməkdaşlıq və fonda ianələr çərçivəsində 7 məktəb binasının tikintisi ilə məşğuldur. Beş məktəb Bakıda, bir məktəb Kürdəmirdə və bir məktəb Qubadlıda inşa olunacaq. Bu məktəblərin bir çoxunun tikintisinə başlanılıb, bəzilərində isə sənədləşmə işləri aparılır. Təxminən 2026-cı ildə əksər məktəblərin tikintisinin başa çatdırılması planlaşdırılır.

-Uğurla başa çatdırdığınız hansı layihə ilə xüsusi olaraq qürur duyursunuz?

-TİF publik hüquqi şəxsdir. Bu layihələr davamlı həyata keçirildiyi üçün onları proqram adlandırırıq. Proqramlarımızın hər biri ilə qürur duyuram. Çünki onların hər biri təhsil sahəsinin ehtiyaclarına əsaslanır. Onlardan biri IELTS imtahanına təşviqlə bağlı layihədir. Bu günə qədər bu proqramdan ümumilikdə 511 nəfər olmaqla 31 müəllim, 480 tələbə faydalanıb. İştirakçılar imtahanda 6.5 baldan yuxarı topladıqları təqdirdə onların IELTS ödənişləri Fond tərəfindən qarşılanır.

Lakin ən əhatəli, ən populyar proqramımız son bir neçə aydır başladığımız “TələbəPlus” kartı proqramıdır. Proqramın cari ildə 190 min tələbəni əhatə etməsi planlaşdırılır. Növbəti illərdə bu sayın 250 minə çatdırılması nəzərdə tutulur. Bu layihə tələbələrin sosial, maddi vəziyyətlərinin yaxşılaşdırılması üçün mühüm addımdır. Burada bu günə qədər 300-dən çox şirkətlə (kafe, restoran, sağlamlıq mərkəzləri, özəl xəstəxanalar, kinoteatrlar və s.) əməkdaşlıq edilir.

Həmçinin, TİF olaraq dövlət-özəl tərəfdaşlığı ilə təcrübə proqramlarının tələbələrini böyük şirkətlərə göndəririk. O tələbələrdən bir neçəsi həmin şirkətlərdə işlə təmin olunublar.

-“TələbəPlus” kartı proqramından özəl ali təhsil müəssisələrinin tələbələri yararlana bilərlər?

-Bəli. Proqram çərçivəsində özəl ali təhsil müəssisələri arasından ilk olaraq Bakı Avrasiya Universiteti ilə müqavilə imzaladıq. Universitetin 4 mindən artıq tələbəsi bu imkandan istifadə edəcək. Ümumilikdə 23 universitetlə müqavilə imzalanıb. Bu ali təhsil müəssisələri Bakı, Sumqayıt, Gəncə, Mingəçevir, Lənkəran, Naxçıvan şəhərlərində yerləşir.

-Beynəlxalq təcrübədən istifadə edirsinizmi?

-Həyata keçirdiyimiz layihə və proqramların bir çoxu xarici ölkələrdə tətbiq olunur. Məsələn, “TələbəPlus” kartı proqramı Türkiyə, Avropa ölkələrində həyata keçirilir. IELTS proqramının da məqsədi xaricdə təhsilin təşviq olunması, tələbə və müəllimlərimizin beynəlxalq təcrübə əldə etməsi, tədqiqat proqramlarında iştiraka dəstək olmaqdır.

-Təhsil sahəsində müəllimlərin rolu böyükdür. Fondun müəllimlərin peşəkar inkişafına dəstək proqramları həyata keçirməsi nəzərdə tutulurmu?

-Elm və Təhsil Nazirliyi təhsil sahəsində siyasətin hazırlanması və icrasına nəzarət edir. Nazirliyin tabeliyində Təhsil İnstitutu, Məktəbəqədər və Ümumi Təhsil üzrə Dövlət Agentliyi (MÜTDA), Elm və Ali Təhsil üzrə Dövlət Agentliyi (EATDA) fəaliyyət göstərir. Onlar bizə bəzən müəyyən ehtiyaclarla bağlı müraciət edirlər. Məsələn, EATDA gənc tədqiqatçıların ingilis dili bacarıqlarının artırılması ilə bağlı bizə təkliflərini verib. Biz həm tədqiqat, həm də ingilis dili bacarıqları ilə bağlı 2025-ci ildə gənc tədqiqatçılarımız üçün təlimlərin təşkilini planlaşdırırıq. Sosial-iqtisadi strategiyada iki tədqiqat universitetinin yaradılması nəzərdə tutulur. Fikrimcə, ali təhsil müəssisələrimizin dünya reytinqlərində yerlərinin daha da yüksək olmasında tədqiqatçıların rolu əvəzsizdir.

-Regionları əhatə edən layihələriniz barədə ətraflı məlumat verə bilərsinizmi?

-Layihələrimiz paytaxt və regionlarda eyni səviyyədə həyata keçirilir. Həm IELTS proqramı, həm “TələbəPlus” kartı proqramı bu sıradadır. Həyata keçirdiyimiz ən böyük proqramlar qızların təhsilinə dəstəklə bağlıdır. Bu proqramlarda regiondan olan qızlarımızın təhsil almasına dəstək göstərilir. Hazırda təqaüd alan 361 qızın hamısı müxtəlif regionlardandır.

Dövlət-özəl tərəfdaşlığı çərçivəsində “Məktəblərə kitab ianəsi” layihəmiz var. 2023-cü ildə 4800, 2024-cü ildə isə 5000 kitab layihə çərçivəsində Abşeron-Xızı, Mərkəzi Aran, Dağlıq Şirvan, Gəncə-Daşkəsən, Lənkəran-Astara, Quba-Xaçmaz, Qazax-Tovuz, Qarabağ-Şərqi Zəngəzur, Şirvan-Salyan, Şəki-Zaqatala regionlarında yerləşən məktəblərə təqdim edilib. Bundan əlavə, Sumqayıt Dövlət Universitetində Davamlı İnkişaf Mərkəzi açmışıq. Kürdəmirdə Fond tərəfindən 264 şagird yerlik məktəb binasının tikilməsi davam edir, Qubadlıda inşa ediləcək məktəbin isə layihə sənədləri hazırlanmaqdadır.

-İşğaldan azad olunan ərazilərə təhsilin qayıtması üçün Fond tərəfindən hansı addımlar atılır?

-Prezident İlham Əliyevin müvafiq Fərmanı ilə Qarabağ Universiteti yaradıldı və Elm və Təhsil Nazirliyi universitetin qısa müddətdə fəaliyyətə başlaması üçün bütün tədbirləri gördü. Bu, böyük hazırlıq işləri tələb edirdi. 2024-2025-ci təhsil ilinin əvvəlində universitet tələbələrə öz qapılarını açdı. Universitet açılmazdan əvvəl Xankəndiyə səfər etdik. Universitetin kitabxanasının zənginləşdirilməsi üçün dövlət-özəl tərəfdaşlığı çərçivəsində müxtəlif kitablar ianələri etdik.

Bundan əlavə, dövlətimiz Qarabağ Universitetinin və işğaldan azad olunan ərazilərdəki təhsil müəssisələrinin ən yüksək standartlarla tikilməsi və təmin olunmasını həyata keçirir. Oraya insanlar qayıtdıqca, təhsil müəssisələrimizin sayı artdıqca, Bakı və regionlarda həyata keçirdiyimiz layihələri işğaldan azad olunmuş ərazilərdə də həyata keçirməyi planlaşdırırıq.

-2025-ci ildə Təhsilin İnkişafı Fondu nə ilə yadda qalmağı planlaşdırır?

-Fond öz fəaliyyət və proqramlarının hazırlanması və icrasında təhsil sisteminin ehtiyaclarını nəzərə alır. Bu il də təcrübə və təqaüd proqramlarımızı davam etdirəcəyik. Dövlət-özəl tərəfdaşlığı layihələrimizin sayını artırmağı düşünürük. Xarici tələbələrin Azərbaycan ali təhsil müəssisələrində təhsil alması üçün “Study in Azerbaijan” layihəmiz var, “SABAH.HUB” şirkəti ilə birlikdə tələbə yataqxanaları ilə bağlı layihəmiz olacaq. Eyni zamanda, təhsil müəssisələrinin fəaliyyətinin dəstəklənməsinə davam edəcəyik, tələbələr üçün müsabiqə və tədbirlər həyata keçiriləcək. Bu il “TələbəPlus” kartı proqramının əhatə dairəsini genişləndirməyi planlaşdırırıq. Bununla yanaşı, təhsil işçiləri üçün “TəhsilPlus” kartı proqramının hazırlanmasını nəzərdə tuturuq. Bu proqramdan müəllimlər, idarəedici heyət, direktor və direktor müavinləri, ümumiyyətlə, təhsil sahəsində çalışan hər kəs faydalana biləcək.

-Sizin üçün təhsilin inkişafı nə deməkdir? Təhsil bir ölkənin gələcəyini necə formalaşdırır?

-Fikrimcə, “Təhsil ölkənin gələcəyidir” dedikdə əsas fokus insanlaradır. Ölkəmizin gələcəyi gənclərimizin gələcək üçün hazırlığı və inkişafı ilə bağlıdır. Hər kəs təhsilin vacibliyindən danışır. Təhsil nə üçün önəmlidir? Təhsil insanın sosial vəziyyətindən asılı olmayaraq sosial lift rolunu oynayır. Bu gün ucqar kənddə yaşayan, müəyyən xidmətlərdən uzaq olan şəxs sabah keyfiyyətli təhsil vasitəsilə özünü inkişaf etdirir, yüksək vəzifələrə gəlib çıxa bilir.

-Öz təhsilinizdən və bu sahəyə gəldiyiniz yoldan bəhs edə bilərsinizmi?

-1999-cu ildə Bakı Dövlət Universitetində (BDU) Beynəlxalq münasibətlər üzrə bakalavr, 2001-ci ildə isə magistr dərəcəsi almışam. 2003-2006-ci illərdə Azərbaycan Milli Elmlər Akademiyasının Fəlsəfə və Siyasi-Hüquqi Tədqiqatlar İnstitutunda aspirantura təhsilimi bitirmişəm. 2007-ci ildə siyasi elmlər üzrə fəlsəfə doktoru alimlik dərəcəsini almışam. 16 il ali təhsil müəssisələrində pedaqoji təcrübəm var. BDU, Xəzər Universiteti, Dövlət İdarəçilik Akademiyasında Beynəlxalq münasibətlər nəzəriyyəsi fənnini tədris etmişəm. Eyni zamanda, bir sıra beynəlxalq təşkilatlarda müxtəlif vəzifələrdə çalışmışam. Tələbələrlə ünsiyyətdə olmuşam, gənclərin fikirləri, onların inkişaf etmək arzusu mənə tanışdır. Bu sahəyə müəyyən qədər töhfə vermişəm. Təhsil həmişə mənim üçün maraqlı olub.

2020-ci ildə sabiq təhsil naziri Ceyhun Bayramov tərəfindən Peşə Təhsili üzrə Dövlət Agentliyinin direktoru müavini vəzifəsinə təyin olunmuşam. Peşə təhsili müəssisələrinin fəaliyyəti, peşə təhsilinin önəmi, vacibliyi ilə bağlı o zaman xeyli işlər görülürdü və indi də davam etməkdədir. Bu gün peşə təhsili gənclər arasında getdikcə daha çox populyarlaşıb. 2020-ci il iyulun 28-də təhsil naziri Emin Əmrullayevin müşaviri təyin olundum. Bu gün təhsil sahəsində uzun müddətə hesablanmış mühüm islahatlar aparılır. Müəllimlərin işə qəbulu müsabiqəsi, direktorların işə qəbulu müsabiqəsi, müəllimlərin sertifikatlaşdırılması, onların əməkhaqlarının artırılması vacib proseslərdir. Təhsil infrastrukturunun yenilənməsi, təhsil müəssisələrinin təmiri və tikintisi üzrə böyük işlər həyata keçirilir.

-Gənclərə, xüsusilə təhsil sahəsində uğur qazanmaq istəyənlərə hansı tövsiyələri vermək istərdiniz?

-Əsas tövsiyəm odur ki, qarşılarına qısa və uzun müddətli hədəflər qoysunlar. Bilik və bacarıqlarının mövcud vəziyyəti gəncləri qane etməməlidir. Əgər inkişaf etmək üçün nəyisə dəyişmək istəyiriksə, planımız olmalıdır. Plan istiqamətində gecə-gündüz yorulmadan oxumaq, səy göstərmək lazımdır. Eyni zamanda, xarici dil bilikləri çox vacibdir. Bəzən olur ki, nəzəri biliklərə malik, savadlı tələbə olur, lakin yumşaq bacarıqlarını inkişaf etdirmir. Ünsiyyət, əlaqə qurmaq, liderlik, özü-özünün nizam-intizamını tənzimləmək kimi bacarıqları inkişaf etdirmək lazımdır. Bu hədəflərlə yanaşı, plan olmalıdır. O plana uyğun hərəkət etmək və səbirli davranmaq lazımdır. Məsələn, mən ötən əsrin 90-cı illərinin sonunda bir dəfə IELTS imtahanında lazım olan balı toplaya bilmədim və ikinci dəfə şansımı sınayaraq yüksək bal yığdım. Ruhdan düşmək olmaz. Uğursuzluq motivasiya etməlidir, “Bu dəfə nəyisə düz etmədim, növbəti dəfə bunu daha yaxşı edərəm”. Gənclərə öz təhsil və peşəkar həyatında uğurlar arzu edirəm!

Xəbəri sosial şəbəkələrdə paylaşın

Bizi sosial şəbəkələrdə izləyin

İran İslam Respublikasının Prezidenti Zati-aliləri cənab Məsud Pezeşkiana

“PAŞA Holdinq”: Şirkətlərdə düzgün mükafatlandırma və cəzalandırma sistemləri qurmalıyıq

Milli Kitabxanada “Əməkdar elm xadimi Əziz Mirəhmədov – 105” adlı sərgi açılıb

XİN: Ermənistanı sülhə nail olmaq perspektivlərini sarsıdan bəyanat və hərəkətlərdən imtina etməyə çağırırıq

İslamabadda Pakistan və Türkiyə arasında terrorla mübarizə məsləhətləşmələri keçirilib

Vəkillər Kollegiyasının rəhbərliyi vətəndaş qəbulu keçirib

Naxçıvanda fevral ayının pensiyaları artımlarla birgə verilib

ABŞ və Çin geoloqları Yerin nüvəsinin səthi ilə bağlı kəşfə imza atıblar

Ötən il qanunvericiliyin tələblərinin pozulduğu 2 mindən çox protokol ləğv edilib

Azərbaycan güləş yığmaları Avropa çempionatına ölkə xaricində hazırlaşırlar

Çempionlar Liqası: Bu gün "Mançester Siti" - "Real Madrid" oyunu keçiriləcək

Ötən ay Azərbaycanın aqrar məhsul ixracı 10 faizdən çox artıb

“Araz-Naxçıvan” ölkə çempionatlarında 100-cü oyununu keçirib

“Turan Tovuz”la ev oyunu “Sabah” üçün ikiqat yubileylə əlamətdar olub

“Neftçi” Azərbaycan çempionatları tarixində 650-ci səfər qolunu vurub

Baş Prokurorluq: Kənd təsərrüfatı məhsullarının ixracından əldə olunan 33 milyon dollar vəsait qaytarılıb

AZAL İsrail aviaşirkəti ilə kod-şer razılaşması imzalayıb

Dünya birjalarında neft bahalaşıb

Misli Premyer Liqası: Tura “Qarabağ”ın oyunu ilə yekun vurulacaq

Baş direktor: Molekulyar Biologiya və Biotexnologiyalar İnstitutunda elmi işçilərdən 70 nəfəri qadındır

İrandan gətirilən kartof istehlaka yararsız olduğundan məhv edilib

Göyçay və Kürdəmirdə fermerlərə 52 min manat həcmində sığorta ödənişləri edilib

Qəbələdə “Qış nağılı” Beynəlxalq Musiqi Festivalının yekun konserti olub

AQTA müasir heyvan kəsimi məntəqələrinin yaradılması ilə bağlı sahibkarlara çağırış edib

Azərbaycan nefti bahalaşıb

DİN: Ötən gün 60 cinayətin üstü açılıb

Arvadını qətlə yetirərək Gürcüstana qaçan şəxs saxlanılıb

ABŞ-ın Dövlət katibi Misirin xarici işlər naziri ilə Qəzzadakı vəziyyəti müzakirə edib

Bu gün “Qadınlar və qızlar elmdə” Beynəlxalq Günüdür

Çin Yer kürəsini asteroid təhlükəsindən qorumaq üçün mütəxəssis qrupu yaradıb

Bakıda bir sıra yollarda sıxlıq müşahidə olunur - SİYAHI

Avrozonada investorların inam indeksi yüksəlib

Çinin xarici işlər naziri britaniyalı həmkarı ilə görüşəcək

Tramp polad və alüminium idxalına 25 faiz rüsum tətbiq edib

ABŞ-da hava limanında 2 təyyarə toqquşub, ölən var

Yeni sadə müalicə yüksək qan təzyiqini azalda bilər - ARAŞDIRMA

Qazaxıstan Xəzər dənizinin səviyyəsinin azalması ilə bağlı qabaqlayıcı tədbirlər hazırlayır

“Bloomberg”: Kelloq yaxın həftələrdə Trampa Ukrayna planını təqdim edə bilər

Tramp: Bütün girovlar azad edilməsə, İsraillə HƏMAS arasında atəşkəs razılaşması ləğv edilməlidir

Tədqiqat: Səhər saatlarında psixi sağlamlıq və xoşbəxtlik daha yüksək olur

Avropol məktəbdə baş vermiş atışmanın araşdırılmasında İsveç polisinə kömək edir

Trampın gömrük rüsumları ilə bağlı bəyanatları Fransanı da silkələyib

Alman Birliyi: ABŞ-ın polad tarifləri Avropa bazarına təzyiqi artıracaq

Avropa İnvestisiya Bankı Ukraynaya 2 milyard dollar ayırıb

“Neftçi” braziliyalı futbolçunun transferini açıqlayıb

Britaniyalı fermerlər Londonda etiraz aksiyası keçiriblər

Cənubi Koreya kəşfiyyatı: Minlərlə şimali koreyalı Rusiyada işləməyə göndərilib

Berlinin ictimai nəqliyyat işçilərinin tətili davam edir

HƏMAS fevralın 15-nə planlaşdırılan girovların azad edilməsini təxirə salıb

Qərbi Balkan ölkələrinin XİN başçıları Romaya toplaşıblar

Azərbaycan və Türkiyə XİN rəsmiləri siyasi məsləhətləşmələr aparıblar

Qvatemalada avtobus dərəyə aşıb, 51 nəfər ölüb

Akademik Valeri Asatiani: Ölkələrimiz arasında mədəni əlaqələrin inkişafında tarixi şəxsiyyətlərin rolu böyükdür

Misli Premyer Liqası: “Neftçi” səfərdə “Zirə”yə qalib gəlib

Gürcüstanlı akademik: Azərbaycanda abidələrin bərpası istiqamətində gedən proseslərdən qürur duyuram

Ruben Vardanyanın təqsirləndirildiyi cinayət işinin məhkəmə baxışı davam etdirilib VİDEO

2025-ci il yanvarın 29-da keçirilmiş bələdiyyə seçkilərində Mərkəzi Seçki Komissiyasına daxil olmuş 8 fevral 2025-ci il tarixli 41 saylı müraciətə baxılmasına dair
Azərbaycan Respublikası Mərkəzi Seçki Komissiyasının QƏRARI

2025-ci il yanvarın 29-da keçirilmiş bələdiyyə seçkilərində Mərkəzi Seçki Komissiyasına daxil olmuş 10 fevral 2025-ci il tarixli 43 saylı müraciətə baxılmasına dair
Azərbaycan Respublikası Mərkəzi Seçki Komissiyasının QƏRARI

2025-ci il yanvarın 29-da keçirilmiş bələdiyyə seçkilərində Mərkəzi Seçki Komissiyasına daxil olmuş 10 fevral 2025-ci il tarixli 42 saylı müraciətə baxılmasına dair
Azərbaycan Respublikası Mərkəzi Seçki Komissiyasının QƏRARI

2025-ci il yanvarın 29-da keçirilmiş bələdiyyə seçkilərində Mərkəzi Seçki Komissiyasına daxil olmuş 8 fevral 2025-ci il tarixli 40 saylı müraciətə baxılmasına dair
Azərbaycan Respublikası Mərkəzi Seçki Komissiyasının QƏRARI

Mərkəzi Seçki Komissiyasının 2025-ci il 8 fevral tarixli iclas protokolunun təsdiq edilməsi barədə
Azərbaycan Respublikası Mərkəzi Seçki Komissiyasının QƏRARI

Nazir Ceyhun Bayramov Belarusun ölkəmizə yeni təyin olunmuş səfiri ilə görüşüb

Bakıda İranın milli bayramı qeyd olunub

Türkiyədə saxta spirtli içkidən ölənlərin sayı 38-ə çatıb

Ötən il Türkiyədə 842 terrorçu zərərsizləşdirilib

Keniyanın gənclər çempionu Azərbaycanın bu ölkədəki səfirliyində olub

Sabirabadda yol qəzası baş verib, xəsarət alan var

ABŞ-da qripə yoluxma hallarının sayı 15 illik maksimuma çatıb

Deputat: Türkçülük ideologiyası dövlət siyasəti statusu qazanmaqdadır

"Qalatasaray" polşalı futbolçu ilə anlaşıb

Səudiyyə Ərəbistanı uşaqları Həcc ziyarətinə gətirməyi qadağan etdi

Kənd təsərrüfatı naziri bölgələrdə fəaliyyət göstərən şərab istehsalı və quşçuluq müəssisələri ilə tanış olub

AZƏRTAC-ın əməkdaşları “Talassemiyasız həyat naminə” təşəbbüsünə qoşulublar VİDEO

Polşalı musiqiçilər “Qış nağılı” festivalında

Dövlət katibi: Sloveniya Azərbaycanla ikitərəfli əlaqələri dərinləşdirməkdə maraqlıdır

Nizami rayonunda sürücünü hədələyərək pulunu ələ keçirən şəxslər saxlanılıb

Rəna İbrahimbəyova: Kəlağayı ornamentlərinin işlənməsinin dərin mədəni kökləri onu daha da unikal edir - MÜSAHİBƏ

“Qarabağın nadir və nəsli kəsilməkdə olan növləri barədə məlumat kitabı” çapdan çıxıb

Yasamalda ət satışı mağazasının fəaliyyəti dayandırılıb

İtaliyada müdafiə nazirinin səsindən istifadə olunaraq dələduzluq edilib

Premyer Liqa: "Araz-Naxçıvan" - "Kəpəz" oyunu qolsuz başa çatıb

Xıdır Nəbi bayramının özünəməxsus şəkildə qeyd olunduğu kənddən REPORTAJ VİDEO

Bakıda sahibsiz heyvanlar probleminə həsr olunmuş tədbir keçirilib

Naxçıvan şəhərində çox sayda hərbi sursat tapılıb

ETX: “Google Chrome” brauzerində kritik boşluq aşkarlanıb

Mərkəzi Seçki Komissiyasının iclası keçirilib VİDEO

Türkiyə Prezidenti Administrasiyasının İctimaiyyətlə Əlaqələr Departamentinin binası mükafata layiq görülüb

Qida Təhlükəsizliyi Agentliyinin sədri sahibkarlarla görüşəcək

Şagird bacarıqlarının inkişaf etdirilməsi mövzusunda elmi seminar

® “Nar”ın dəstəyi ilə Azərbaycanda jest dili tətbiqi hazırlanır

Vəkillər Kollegiyasının rəhbərliyi işə yeni qəbul edilən vəkil köməkçiləri ilə görüşüb

Hirkan meşələrində ekoturizmin inkişaf etdirilməsi istiqamətində müzakirələr aparılıb

Kimyaçı-alim nüfuzlu jurnalın beynəlxalq rəyçi sertifikatı ilə təltif edilib

Kənd Təsərrüfatı Nazirliyi: Heyvanların aşağı çəkidə kəsilməsi ət istehsalına mənfi təsir göstərir

Azərbaycan şahmatçısı: Ölkə çempionatındakı çıxışımı qənaətbəxş hesab edirəm

Azərbaycan Universitetində “Konstitusiya və Suverenlik İli” ilə bağlı tədbirlər planı hazırlanır

Qazaxıstan ordusunun arxa cəbhə təminatının modernləşdirilməsi məsələsi müzakirə olunub

AQTA-da quşçuluq təsərrüfatlarının nümayəndələri ilə görüş olub

ADAU-nun əməkdaşları Ankarada beynəlxalq təlimdə iştirak ediblər

Məktəb direktorlarından ibarət kuratorlarla görüş keçirilib