SİYASƏT
FRANSA PREZİDENTİ SOÇİYƏ İKİGÜNLÜK SƏFƏRİNİN BİR GÜNÜNÜ TƏXİRƏ SALMIŞDIR
AZƏRTAC-ın xüsusi müxbiri xəbər verir ki, Fransanın Prezidenti Jak Şirak Soçiyə ikigünlük səfərinin bir gününü təxirə salmışdır. Onun Rusiya Federasiyasının Prezidenti Vladimir Putinlə və Almaniya kansleri Gerhard Şröderlə Qara dəniz sahilində ikigünlük görüşləri nəzərdə tutulmuşdu. Jak Şirak avqustun 30-na təyin olunmuş görüşdə iştirak etməməyi qərara almışdır. O, yalnız avqustun 31-də keçiriləcək görüşlərdə iştirak edəcəkdir.
Yelisey sarayının mətbuat xidməti Jak Şirakın bu qərarı barədə heç bir izahat verməmişdir. Bəzi siyasi dairələrin və jurnalistlərin fikrincə, ölkə başçısının bu qərarı İraqda girov götürülmüş iki fransız jurnalistinin azad edilməsi ilə bağlıdır.
Bölmənin digər xəbərləri
