Fransada isti hava şəraiti ilə əlaqədar bəzi qatarların hərəkəti müvəqqəti dayandırılıb
Paris, 12 avqust, AZƏRTAC
Fransada davam edən anomal istilər dəmir yolu nəqliyyatında çətinliklər yaradıb.
AZƏRTAC xəbər verir ki, Fransa Dəmir Yolları Şirkəti növbəti iki gün ərzində əyalətlərdən paytaxt Parisə gələn qatarların işləməyəcəyini açıqlayıb. Bu addımın həmin qatarların soyutma sistemində yarana biləcək nasazlıqların qarşısını almaq məqsədilə atıldığı bildirilib.
Bu qərar sərnişinlər arasında narazılığa səbəb olub. “CGT Cheminot-Auvergne-Nivernais” həmkarlar ittifaqı xəbərdarlıq edib ki, yüzlərlə sərnişin platformalarda gözləməyə məcbur olacaq. Bunun məsuliyyəti isə Fransa Dəmir Yolları Şirkətinin üzərindədir.
Xatırladaq ki, bu şirkət ötən həftə də Fransada bir sıra qatarların hərəkətini müvəqqəti dayandırmışdı.
Bölmənin digər xəbərləri
