FUAD ASLANOV NÖVBƏTİ MƏRHƏLƏYƏ DÖYÜŞSÜZ ÇIXDI
AZƏRTAC xəbər verir ki, Azərbaycan olimpiya komandasının 51 kiloqram çəki dərəcəsində çıxış edən boksçusu Fuad Aslanov avqustun 17-də Afinada ilk döyüşünü keçirməli idi. Lakin onun rəqibi, Madaqaskar idmançısı Jouvin George Pakotoarimbelo rinqə çıxmadığına görə, hakimlər Azərbaycan idmançısını qalib elan etdilər. Azərbaycan məşqçilərinin məlumatına görə, Fuad Aslanovun rəqibinin çəki ilə bağlı problemi olduğundan görüşə çıxa bilməmişdir.
Beləliklə, boksçularımız Afinada uğurlu çıxışlarını davam etdirirlər. Növbəti mərhələdə Fuad Aslanovun rəqibi ilk görüşdə Tunis nümayəndəsinə qalib gəlmiş Gürcüstan boksçusu Nikoloz İzoria olacaqdır.
Olimpiyaçılarımıza uğurlar arzulayırıq.
Bölmənin digər xəbərləri
