FUTBOL ÜZRƏ ÇEMPİONLAR LİQASI TURNİRİNİN SƏKKİZDƏBİR FİNAL MƏRHƏLƏSİNİN PÜŞKÜ ATILMIŞDIR
AZƏRTAC xəbər verir ki, İsveçrənin Nyon şəhərində futbol üzrə Çempionlar liqası turnirinin səkkizdəbir final mərhələsinin püşkü atılmışdır.
Püşkün nəticələrinə görə “Seltik” (Şotlandiya) “Barselona” (İspaniya) ilə, “Lion” (Fransa) “Mançester Yunayted” (İngiltərə) ilə, “Şalke” (Almaniya) “Portu” (Portuqaliya) ilə, “Liverpul” (İngiltərə) “İnter” (İtaliya) ilə, “Roma” (İtaliya) “Real” (İspaniya) ilə, ”Arsenal” (İngiltərə) “Milan” (İtaliya) ilə, “Olimpiakos” (Yunanıstan) “Çelsi” (İngiltərə) ilə və “Fənərbağça (Türkiyə) “Sevilya” (İspaniya) ilə qarşılaşacaqdır.
Komandalar arasında ilk görüş 2008-ci il fevralın 19-20-də, cavab oyunu isə martın 4-5-də olacaqdır. Cütlüklərdə birinci göstərilən komandalar ilk görüşü öz meydançalarında keçirəcəklər.
Bölmənin digər xəbərləri
