FÜZULİDƏ SALINACAQ QƏSƏBƏ ÜÇÜN AYRILMIŞ TORPAQ SAHƏSİ MİNALARDAN TƏMİZLƏNİR
AZƏRTAC xəbər verir ki, “Füzuli rayonu ərazisində məcburi köçkünlər üçün 2104 ailəlik yeni yaşayış qəsəbəsinin salınması ilə bağlı ayrılmış torpaq sahələrinin mina və partlamamış hərbi sursatlardan təmizlənməsi” layihəsi çərçivəsində indiyədək 3 milyon 403,982 kvadratmetr ərazi təmizlənmişdir.
Azərbaycan Respublikası Ərazilərin Minalardan Təmizlənməsi üzrə Milli Agentliyi ilə Məcburi Köçkünlərin Sosial İnkişaf Fondu (MKSİF) arasında imzalanmış layihə 1900 hektar sahənin 19 aya təmizlənməsini nəzərdə tutur.
İyulun 18-də ANAMA-nın baş ofisinin nümayəndələri həmin ərazidə əməliyyatların gedişinə dair monitorinq aparacaqlar.
