Gəncə şəhərində təsviri sənət istiqaməti üzrə qabiliyyət imtahanları keçirilir
Bakı, 18 iyul, AZƏRTAC
Gəncə şəhərində təsviri sənət istiqaməti üzrə qabiliyyət imtahanları Dövlət İmtahan Mərkəzi (DİM) tərəfindən mərkəzləşdirilmiş şəkildə Məhəmməd Füzuli adına 22 saylı tam orta məktəbdə təşkil edilir.
DİM-dən AZƏRTAC-a bildirilib k, iyulun 18-19-da ali təhsil səviyyəsinin dizayn, iyulun 20-də tam orta təhsil (11 illik) və 21-də isə ümumi orta təhsil (9 illik) bazasında orta ixtisas təhsili müəssisələrinin xüsusi qabiliyyət tələb edən ixtisaslarına qəbul olmaq üçün müvafiq komissiyalar üzrə (87, 1604 və 411) imtahanların keçirilməsi nəzərdə tutulur.
Qeyd olunan komissiyalar üzrə qabiliyyət imtahanında iştirak etmiş abituriyentlərin nəticələri ilə bağlı müraciətlərinə baxılması üçün iyulun 24-də Apellyasiya komissiyası yaradılacaq. Apellyasiya komissiyası tərəfindən saat 10:00-dan etibarən 87-ci, 12:00-dan etibarən isə 1604 və 411-ci qabiliyyət imtahanı komissiyaları ilə bağlı müraciətlərə baxılacaq.
Qabiliyyət imtahanlarının qrafiki DİM-in saytında yerləşdirilib.
Bölmənin digər xəbərləri
