Gəncədə respublika Prezidentinin ad günü ilə əlaqədar 50 mininci ağac əkilmişdir
Gəncə, 24 dekabr (AZƏRTAC). Gəncədə dahi söz ustası Nizami Gəncəvinin məqbərəsi ətrafında keçirilən növbəti aksiyada 50 mininci ağac əkilmişdir.
Prezident İlham Əliyevin doğum günü ilə əlaqədar keçirilən aksiyaya şəhərdəki əksər idarə və təşkilat kollektivləri, ali təhsil müəssisələrinin tələbələri qatılmışlar. Ağac əkənlər arasında olan Gəncə Şəhər İcra Hakimiyyətinin başçısı Elmar Vəliyev demişdir ki, növbəti 50 min ağacın ulu öndər Heydər Əliyevin adını daşıyan və ərazisi 360 hektar olan parkda əkilməsi nəzərdə tutulmuşdur. Ümumilikdə isə yay mövsümünə kimi Gəncədə 100 min ağacın əkilməsi qərara alınmışdır.
Bölmənin digər xəbərləri
