Gənclər Fondu Azərbaycan Silahlı Qüvvələrinin Yardım Fonduna ianə edib
Bakı, 8 oktyabr, AZƏRTAC
Azərbaycan Respublikasının Gənclər Fondu (AZGF) və tabeliyindəki “Gənclərin İnkişaf və Karyera Mərkəzi” MMC-nin əməkdaşları ölkəmizin ərazi bütövlüyü uğrunda vuruşan Milli Ordumuza dəstək olmaq məqsədilə Azərbaycan Respublikasının Silahlı Qüvvələrinə Yardım Fonduna könüllü olaraq aylıq vəzifə maaşlarından ianə ediblər.
AZGF-dən AZƏRTAC-a bildiriblər ki, Gənclər Fondunun əməkdaşları Ali Baş Komandan İlham Əliyevin rəhbərliyi ilə rəşadətli və yenilməz ordumuzun gücünə inanır, torpaqlarımızın ərazi bütövlüyünü bərpa edərək, qələbə çalacağına əmindirlər.
Azərbaycan Respublikasının Silahlı Qüvvələrinə Yardım Fondu ümummilli lider Heydər Əliyevin 2002-ci il 17 avqust tarixli Fərmanı ilə yaradılıb. Fondun əsas vəzifəsi Azərbaycan Respublikasının etibarlı müdafiəsi üçün Silahlı Qüvvələrin inkişafını və onun maddi-texniki bazasının möhkəmləndirilməsini, həmçinin hərbi qulluqçuların sosial müdafiəsinin daha da gücləndirilməsini təmin etməkdir.
Bölmənin digər xəbərləri
