“Gələcək naminə” İnformasiya Texnologiyaları Təşkilatı və Gənclər, İdman və Turizm Nazirliyi 31 dekadr Dünya azərbaycanlılarının həmrəyliyi günü münasibətilə “Gənclərin inkişaf portalı” layihəsi hazırlamışlar.

“Gələcək naminə” təşkilatından AZƏRTAC-ın müxbirinə bildirmişlər ki, bu layihə gənclərin hərtərəfli inkişafı üçün zəruri olan intellektual və əyləncəli informasiya resurslarından ibarətdir. Burada ölkəmizdə mövcud olan təhsil, idman, qanunvericilik və digər sahələrlə bağlı geniş məlumatlar verilir. İnternet saytına daxil edilmiş portal həm də dünyanın ayrı-ayrı ölkələrində yaşayan azərbaycanlı gənclər arasında əlaqələri möhkəmləndirmək məqsədi daşıyır.

“Gənclərin inkişaf portalı” saytı belə adlanır: www.gencler.az