Gimnastika yarışının ikinci gününün qalibləri müəyyənləşib
Bakı, 24 noyabr, AZƏRTAC
Milli Gimnastika Arenasında keçirilən batut və tamblinq üzrə Azərbaycan və Bakı çempionatları, bədii gimnastika üzrə Bakı birinciliyi, həmçinin aerobika gimnastikası üzrə açıq Azərbaycan və Bakı çempionatı davam edir.
AZƏRTAC xəbər verir ki, yarışların ikinci gününün sonunda yeniyetmələr (2005-2006-cı illər) alətsiz, ip, halqa və qrup hərəkətlərində lentlə, eyni zamanda, balacalar (2007-2009-cu illər) alətsiz və topla bacarıqlarını nümayiş etdiriblər.
Bədii gimnastika üzrə balacaların qrup hərəkətlərində “OCAQ 1” komandası fəxri kürsünün ən yüksək pilləsinə qalxıb. “OCAQ 2” gümüş, “BGM 2” komandası isə bürünc medal qazanıb.
Yeniyetmələrin komanda yarışında "OCAQ 2" komandası birinci, BGM ikinci, "OCAQ 1" isə üçüncü olub.
Qeyd edək ki, aerobika gimnastikası üzrə açıq Azərbaycan çempionatında yerli gimnastlarla yanaşı, Estoniya, Bolqarıstan, Almaniya, Macarıstan və Rusiyadan da idmançılar iştirak edirlər.
Bölmənin digər xəbərləri
