GİMNASTLARIMIZ BEYNƏLXALQ REYTİNQİNİ YÜKSƏLDİRLƏR

05.10.2004 [16:40]
Çap et
A⁺ A^-

Beynəlxalq Gimnastika Federasiyası bədii gimnastika üzrə dünyanın 34 ən güclü idmançısının sentyabr ayı üçün reytinq cədvəlini açıqlamışdır. Həmyerlimiz Anna Qurbanova təsnifatda 5 pillə qalxaraq, 22-ci yerə çıxmışdır. Ona öz mövqeyini yaxşılaşdırmağa Daşkənddə Dünya Kubokunun “Asiya gözəli” adlı mərhələ yarışlarında uğurlu çıxışı imkan vermişdir. Yarışlarda gimnastımız 1 gümüş, 2 bürünc medal qazanaraq, çoxnövçülükdə 4-cü yerə çıxmışdır. Onun komanda rəfiqəsi Dinarə Gimatova reytinq cədvəlində 14-cü yerdədir.

Azərbaycan Gimnastika Federasiyasının mətbuat xidmətindən AZƏRTAC-a bildirmişlər ki, idmançılar qarşıdakı beynəlxalq turnirlərdə uğurla çıxış etsələr, reytinqlərini daha da yaxşılaşdıra bilərlər. Məsələn, gözlənildiyinə görə, oktyabrın 15-17-də Qurbanova Berlinin Qran-pri yarışlarında iştirak edəcək, Gimatova isə ayın sonunda Hollandiyaya analoji yarışlara gedəcəkdir.

Sentyabr ayı üçün reytinq cədvəlində ilk üç yeri müvafiq surətdə Afina Olimpiadasının çempionu Alina Kabayeva və gümüş mükafatçısı İrina Çaşşina (hər ikisi Rusiya), həmin Oyunların bürünc medalçısı ukraynalı Anna Bessonova tuturlar.

GİMNASTLARIMIZ BEYNƏLXALQ REYTİNQİNİ YÜKSƏLDİRLƏR

MÜƏLLİFLƏ ƏLAQƏ

Bölmənin digər xəbərləri