“Gizir hazırlığı kursu”na qəbul prosesi davam edir VİDEO
Bakı, 3 iyul, AZƏRTAC
Heydər Əliyev adına Hərbi İnstituta orta ixtisas təhsili pilləsinə ("Gizir hazırlığı kursu"na) qəbul prosesi davam edir.
Müdafiə Nazirliyinin mətbuat xidmətindən AZƏRTAC-a bildirilib ki, kursa qəbul olmaq istəyən cari ildə ümumtəhsil müəssisələrində tam orta təhsil səviyyəsini bitirmiş, qəbul ilində 17 yaşı tamam olan və 20 yaşı tamam olmayan Azərbaycan Respublikasının kişi cinsli vətəndaşları, habelə 18 yaşından 23 yaşınadək kişi cinsli hərbi qulluqçular (zabit və gizir (miçman) hərbi rütbəsi olanlar istisna olmaqla) və hərbi vəzifəlilər iyulun 10-dək ərizə ilə hərbi institutun rektoruna müraciət edə bilərlər.
Qəbul qaydaları barədə bu linkə keçid edərək ətraflı məlumat əldə edə bilərsiniz.
Bölmənin digər xəbərləri
