GÖMRÜKCÜLƏR 1 KİLOQRAMDAN ÇOX QIZIL MƏMULATI AŞKAR ETMİŞLƏR
Bakı Baş Ğömrük İdarəsinin əməkdaşları qaçaqmalçılıq və gömrük qaydalarının pozulması hallarına qarşı mübarizə tədbirlərini gücləndirirlər. Dövlət Gömrük Komitəsinin mətbuat xidmətindən AzərTac-a bildirmişlər ki, bu günlərdə Birləşmiş Ərəb Əmirliklərindən gələn THR 37901/2 dövlət nömrə nişanlı avtomaşındakı konteynerdə olan yükə gömrük nəzarəti həyata keçirilərkən, bəyannamədə göstərilməyən 1,098 kiloqram qızıl məmulatı aşkar edilmişdir.
Azərbaycan vətəndaşları İslam Qəmdaş oğlu Bayramovun və Saqif Məmməd oğlu Hacıyevin adlarına Çin Xalq Respublikasından THR 61197/8 və TEH 99593/4 dövlət nömrə nişanlı avtomaşınları ilə göndərilən yüklərin gömrük nəzarəti altında boşaldılması zamanı gömrük orqanına düzgün bəyan edilməmiş, ümumi dəyəri 406 milyon 690 min manat olan yüksək səs cıxaran oyuncaq partlayıcılar aşkar edilmişdir.
Hər iki fakt üzrə təhqiqat aparılır.
Bölmənin digər xəbərləri
