Göygöl rayonunda 1857 hektarda yazlıq bitkilər əkilib
Samux, 12 iyun, Rauf Hacıyev, AZƏRTAC
Göygöl rayonunda 2018-ci ilin məhsulu üçün 1857,5 hektar sahədə yazlıq bitkilər əkilib.
Bu barədə AZƏRTAC-ın bölgə müxbirinə Göygöl Rayon Statistika İdarəsindən məlumat verilib.
Qeyd edilib ki, cari ilin məhsulu üçün 137 hektar sahədə dənli və dənli paxlalılar, o cümlədən 25 hektar buğda əkilib. Həmçinin 2018-ci ilin məhsulu üçün sahələrdə 551 hektar kartof, 496 hektar tərəvəz, 501 hektar şəkər çuğunduru, 111 hektar dən üçün günəbaxan, 3 hektar birillik ot, 1,5 hektarda isə yemlik kökümeyvəlilər becərilir.
Hazırda sahələrə aqrotexniki qaydalara uyğun qulluq göstərilir. İlin sonunda tarlalardan bol məhsul gözlənilir.
Bölmənin digər xəbərləri
