Güclü külək Xaçmazda 17 mindən çox abonenti işıqsız qoydu
Xaçmaz, 13 yanvar, Elxan Yusifli, AZƏRTAC
Güclü külək Xaçmazda elektrik təsərrüfatına ciddi ziyan vurub.
Xaçmaz Rayon Fövqəladə Hallar Komissiyasının sədri Anar Oruclu AZƏRTAC-ın bölgə müxbirinə bildirib ki, rayon mərkəzində və 94 kənddə elektrik enerjisinin kəsilməsi səbəbindən 17 min 300 abonent işıqsız qalıb.
Güclü külək bir çox ərazilərdə elektrik naqillərini qırıb, dirəkləri aşırıb. Hazırda müvafiq qurumların əməkdaşları fəsadların aradan qaldırılması üçün səfərbər olunub.
Külək nəticəsində şəhər mərkəzində beşmərtəbəli, dördbloklu yaşayış binasının dam örtüyü uçub, rayon ərazisində ümumilikdə, 6 ağac kökündən qoparaq aşıb.
Hadisələr nəticəsində xəsarət alan olmayıb.
Hazırda rayonda külək əsməkdə davam edir.
Bölmənin digər xəbərləri
