GÜRCÜSTANDA PARLAMENT SEÇKİLƏRİNİN NƏTİCƏLƏRİ ELAN EDİLMİŞDİR
“Milli Hərəkat-Demokratlar” partiyasından parlamentə proporsional sistem üzrə keçirilən seçkilərdə 135 deputat seçilmişdir. Müxalifət partiyalarından bu sistem üzrə 7 faizlik maneəni yalnız “Sağ müxalifətçi – Sənayeçilər” İttifaqı dəf edə bilib. 15 deputat mandatı qazanmışlar.
Xatırladaq ki, proporsional sistem üzrə seçkilərin nəticəsinə görə Gürcüstan azərbaycanlılarından iki nəfəri – Kamal Muradxanov və Allahverdi Hümbətov iqtidar təmayüllü “Milli Hərəkat-Demokratlar” partiyasının siyahısı ilə parlamentə üzv seçilmişlər. Bir nəfər isə - Marneulidən Adil Cəfərov majoritar sistem üzrə deputat seçilmişdir. Beləliklə, 2004-cü il çağırış Gürcüstan parlamentində azərbaycanlıları 3 nəfər deputat təmsil edəcəkdir. Bundan əvvəlki parlamentdə isə 6 nəfər azərbaycanlı deputat təmsil olunurdu.
Hazırda deputatların narkoloji yoxlaması keçirilir. İndiyədək 120 nəfər analiz vermişdir. Bu, deputatlara 20 lariyə başa gəlir.
Yeni çağırış parlamentin ilk iclası aprelin 21-də keçiriləcəkdir. Narkoloji müayinədən keçməyən deputatların adı ilk iclasda elan olunacaqdır.
Bölmənin digər xəbərləri
