Gürcüstanda yaşayan soydaşımız Tbilisi çempionatında gümüş medal qazanıb
Tbilisi, 19 mart, AZƏRTAC
Gürcüstanda yeniyetmə və gənclər arasında güləş üzrə Tbilisi çempionatı keçirilib.
AZƏRTAC xəbər verir ki, çempionatda Gürcüstanda yaşayan soydaşlarımız da iştirak ediblər.
10-12 yaşlı yeniyetmələr arasında mübarizə aparan soydaşımız Qulam Novruzov (41 kiloqram) yarışı ikinci pillədə başa vurub və gümüş medal qazanıb.
Q.Novruzov AZƏRTAC-a deyib ki, idmana lap kiçik yaşlarından maraq göstərsə də, mötəbər yarışlarda ilk dəfə iştirak edir. “İlk turnirdə gümüş medal qazanmağıma çox sevinirəm. Aprelin 17-də Gürcüstan çempionatı keçiriləcək. Məqsədim bu çempionatda daha yaxşı çıxış edərək, birinci yerə çıxmaq və bayrağımızı dalğalandırmaqdır. Bunun üçün ciddi çalışacağam”.
İdmançının sözlərinə görə, arzusu təyyarəçi-kosmonavt olmaqdır: “Bunun üçün dərslərimə ciddi yanaşıram. Amma idmanda uğur qazanmaq da mənim üçün əsas məqsədlərdən biridir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
