Gürcüstanın xarici ticarət dövriyyəsi 13,3 faiz artıb
Tbilisi, 14 iyun, AZƏRTAC
Cari ilin yanvar-may ayları ərzində Gürcüstanın xarici ticarət dövriyyəsi 2024-cü ilin eyni dövrü ilə müqayisədə 13,3 faiz artaraq 9,8 milyard dollar təşkil edib.
AZƏRTAC xəbər verir ki, bu barədə Gürcüstan Milli Statistika Xidmətinin saytında dərc olunan hesabatda deyilir.
Bildirilir ki, hesabat dövründə ölkəyə 7,2 milyard dollar dəyərində məhsul idxal edilib ki, bu da 2024-cü ilin yanvar-may aylarının göstəricisindən təxminən 13 faiz çoxdur.
İxracın həcmi 2,6 milyard dollar təşkil edib ki, bu da 2024-cü ilin beş ayı ilə müqayisədə 14,6 faiz artım deməkdir.
Gürcüstanın bu dövrdə mənfi ticarət saldosu 4,6 milyard dollar təşkil edib ki, bu da ötən ilin analoji göstəricisindən 11,8 faiz çoxdur.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
