Hakimlərin Seçki Komitəsinin yeni sədri seçilib
Bakı, 15 iyul, AZƏRTAC
İyulun 14-də Hakimlərin Seçki Komitəsinin növbəti iclası keçirilib.
Bu barədə Hakimlərin Seçki Komitəsindən AZƏRTAC-a məlumat verilib.
Bildirilib ki, əvvəlcə Məhkəmə-Hüquq Şurasının 13 iyul tarixli iclasında komitəyə yeni seçilmiş üzvlər təqdim olunub, onlara fəaliyyətlərində uğurlar arzu edilib.
Sonra komitə üzvlərinin yekdil səsi ilə Ali Məhkəmənin hakimi Vidadi Cəfərov Hakimlərin Seçki Komitəsinin sədri seçilib.
İclasda, həmçinin hakimliyə namizədlərin imtahan prosesi ilə bağlı cari tədbirlər müzakirə edilib, bəzi təşkilati məsələlərə baxılıb.
Bölmənin digər xəbərləri
