Bakı, 1 noyabr (AZƏRTAC). Həmvətənimiz Ənvər Bəkirov Rusiya Federasiyası Murmansk Vilayət Dumasının sədri Vasili Şambirin Fəxri fərmanı ilə təklif edilmişdir.

“Ümumrusiya Azərbaycanlılar Konqresi” (ÜAK) ictimai təşkilatının Murmansk regional bölməsinin mətbuat katibi Əlihüseyn Şükürovun AZƏRTAC-a verdiyi məlumata görə, Ə.Bəkirov bu mükafata yüksək peşəkarlığına, xidməti vəzifələrini vicdanla yerinə yetirdiyinə, mənzil-kommunal təsərrüfatı və əhaliyə məişət xidməti sistemində səmərəli işinə görə layiq görülmüşdür.

Həmvətənimiz Murmansk vilayətindəki Vidyayevo qəsəbəsinin elektrik şəbəkə sahəsinin rəisidir.