Həndbol: Böyük Britaniya millisindən Bakıda böyükhesablı qələbə
Bakı, 15 yanvar, AZƏRTAC
Kişi həndbolçulardan ibarət Böyük Britaniya millisi Bakıda növbəti qələbəsini qazanıb.
AZƏRTAC xəbər verir ki, komanda 2026-cı ildə keçiriləcək Avropa çempionatının təsnifat turnirində Malta millisi ilə qarşılaşıb. Bakı İdman Sarayında təşkil olunan matçda Böyük Britaniya millisi rəqibini 44:14 hesabı ilə məğlub edib.
Qeyd edək ki, britaniyalılar ilk oyunda Kipr seçməsi ilə heç-heçə ediblər - 25:25. İkinci turda komanda Azərbaycan millisini 39:22 hesabı ilə məğlub edib.
Təsnifat turnirinə saat 15:00-da start götürəcək Azərbaycan-Kipr oyunu ilə yekun vurulacaq.
Bölmənin digər xəbərləri
