Hesablama Palatasının fəaliyyətinin beynəlxalq standartlara uyğunlaşdırılması müzakirə edilib
Bakı, 14 yanvar, AZƏRTAC
Azərbaycan Respublikası Hesablama Palatasının sədri Vüqar Gülməmmədovun rəhbərliyi ilə 2023-cü ilin ilk kollegiya iclası keçirilib.
Palatadan AZƏRTAC-a bildirilib ki, iclasda Hesablama Palatasının fəaliyyətinin beynəlxalq standartlara uyğunlaşdırılması və metodoloji bazanın təkmilləşdirilməsi məqsədilə bir sıra metodiki sənədlər müzakirə edilib. Müzakirələrin nəticəsi olaraq bəzi sənədlər yenilənib, bəzilərinin isə ləğvi barədə qərar qəbul edilib. Daha sonra iclasda Hesablama Palatasında tətbiq edilən keyfiyyətə nəzarətlə bağlı illik hesabat təqdim olunub və müvafiq müzakirələr aparılıb, həmçinin Palatanın funksional fəaliyyəti ilə bağlı gündəlikdə dayanan cari məsələlərə baxılıb.
Bölmənin digər xəbərləri
