HEYDƏR ƏLİYEV MƏRKƏZİNİN AÇILIŞI
İsmayıllı, 29 oktyabr (AZƏRTAC). Oktyabrın 29-da Prezident İlham Əliyev və xanımı Mehriban Əliyeva İsmayıllı şəhərində Heydər Əliyev Mərkəzinin açılışında iştirak etmişlər.
Dövlətimizin başçısı açılışı bildirən lenti kəsdi və mərkəzlə tanış oldu.
İsmayıllı Rayon İcra Hakimiyyətinin başçısı Nizami Ələkbərov bildirdi ki, mərkəzin tikintisinə 2007-ci ilin yanvarında başlanmış, inşaat işləri 2008-ci ilin mayında başa çatdırılmışdır. Mədəniyyət və Turizm Nazirliyinin qərarı ilə 2009-cu ilin mayından isə bura Heydər Əliyev Mərkəzi adlandırılmışdır. Mərkəz hər biri 730 kvadratmetr olmaqla, iki mərtəbədən və zirzəmi qatından ibarətdir. Burada şahmat, aviamodelçilik, heykəltəraşlıq, rəssamlıq, “Bacarıqlı əllər” uşaq dərnəkləri fəaliyyət göstərir, xalq sənətinin nümunələrindən ibarət guşə yaradılmışdır. Birinci mərtəbədə daimi fəaliyyət göstərən sərgi-ekspozisiya zalı, ikinci mərtəbədə Heydər Əliyev irsini araşdırma mərkəzi, elektron kitabxana, kitabxana, kompyuter otaqları, konfrans zalı vardır. Mərkəzdə xarici dil və kompyuter kurslarının təşkili də nəzərdə tutulmuşdur.
Prezident İlham Əliyev və xanımı Mehriban Əliyeva ulu öndərin həyatını, respublikamıza rəhbərlik etdiyi dövrləri, eləcə də İsmayıllı rayonuna səfərlərini əks etdirən sərgi-ekspozisiya zalına, Heydər Əliyev irsini araşdırma mərkəzinə, elektron kitabxanaya, kitabxanaya, kompyuter otaqlarına, konfrans zalına baxdılar.
Heydər Əliyev irsini araşdırma mərkəzində ulu öndərin həyatına dair filmlərin nümayişi üçün iki iri monitor quraşdırılmışdır. Elektron kitabxanada xüsusi sayt vasitəsilə ümummilli liderin irsi haqqında 29 dildə məlumat almaq mümkündür. Elektron kitabxananın Mirzə Fətəli Axundov adına Milli Kitabxana ilə internet vasitəsilə birbaşa əlaqəsi vardır.
Mərkəzin kitabxanasında 5 minədək kitab toplanmışdır. Burada ulu öndərin həyatından bəhs edən ayrıca guşə də vardır.
Dövlətimizin başçısı mərkəzin xatirə kitabına ürək sözlərini yazmışdır.
Mərkəzin ətrafında 4,4 hektar sahədə abadlıq və yaşıllaşdırma işləri aparılmışdır. Burada ulu öndərin memarı görkəmli heykəltəraş Ömər Eldarov olan qranitdən hazırlanmış 3,2 metr hündürlüyündə abidəsi ucaldılmışdır. Abidənin postamentinin hündürlüyü 2,2 metrdir.
Ərazidə iki fəvvarə quraşdırılmış, 22 metr hündürlükdə dövlət bayrağı ucaldılmış, dairə seçki komissiyasının, maliyyə idarəsinin, prokurorluğun, əmək və əhalinin sosial müdafiə mərkəzinin yeni inzibati binaları tikilmiş, rayon mədəniyyət evi, mərkəzi kitabxana, uşaq kitabxanası əsaslı təmir edilmişdir. Mərkəzin ətrafındakı əraziyə 22 min 500 kvadratmetr daş plitə döşənmiş, müxtəlif ölçülü və orijinal dizayn ilə fərqlənən 500 fənərdən ibarət müasir işıqlandırma və suvarma sistemləri quraşdırılmışdır. Ərazidə yaşıllaşdırma işlərində 4 min ağac və gül kollarından, 3 min ədəd çiçəkdən, 12 min kvadratmetr döşəmə qazondan istifadə olunmuşdur.
Şəhərin mərkəzindən keçən yola cilalanmamış 4260 kvadratmetr qranit daş döşənmişdir. Mərkəzin arxa tərəfində də müasir istirahət guşəsi yaradılmışdır. Burada müxtəlif iaşə obyektləri fəaliyyət göstərir.
Heydər Əliyev Mərkəzinin ətrafında salınan istirahət kompleksi və buradakı inzibati binalar ümumi ansambl təskil edir və şəhərə xüsusi yarasıq verir.
######
 |
 |
 |
 |
 |
Bölmənin digər xəbərləri
