Heydər Əliyevin ölkə rəhbərliyinə qayıdışı Azərbaycanın inkişafını, çiçəklənməsini və tərəqqisini təmin edib
Bakı, 15 dekabr, AZƏRTAC
Yəhudi Xəbərlər Agentliyi (YXA) öz saytında “Bütün xalq ilə birlikdə” sərlövhəli material yerləşdirib. Yazıda Bakıda Azərbaycan xalqının ümummilli lideri Heydər Əliyevin xatirəsinin anılmasından söz açılır.
Materialda deyilir ki, böyük siyasi xadimin xatirəsini anan ölkə ictimaiyyətinin nümayəndələri, on minlərlə sakin arasında Azərbaycanın dağ, aşkenazi və gürcü yəhudiləri dini icmalarının üzvləri də olub.
Beynəlxalq Dağ Yəhudiləri Xeyriyyə Fondunun (STMEQİ) Azərbaycandakı bölməsinin rəhbəri Semyon İxiilov YXA-ya müsahibəsində deyib: “Heydər Əliyev Azərbaycanın ən yeni tarixində silinməz iz qoymuş böyük Ümummilli Liderdir. Mən Heydər Əliyev ilə dəfələrlə görüşmüşəm və deyə bilərəm ki, onun xalqın tələbi ilə 1993-cü ildə ölkə rəhbərliyinə qayıdışı Azərbaycanın inkişafını, çiçəklənməsini və tərəqqisini təmin edib.
Böyük dövlət xadimi Heydər Əliyevin irsinin öyrənilməsi və təbliği, onun ideyalarının gələcək nəsillərə çatdırılması Azərbaycan üçün son dərəcə əhəmiyyətlidir və STMEQİ fondu fəaliyyətinin bu istiqamətinə xüsusi diqqət yetirir”.
Yəhudi dindarların ötən həftənin sonlarında Bakıdakı sinaqoqlarda Tanrıya üz tutaraq, Heydər Əliyevin ruhuna, eləcə də respublikanın rifahı və çiçəklənməsi naminə dua oxumaları Azərbaycan yəhudilərinin Heydər Əliyevin nurlu xatirəsinə hədsiz ehtiramının daha bir təsdiqi olub.
Bölmənin digər xəbərləri
