Hollivuddakı tətil xeyli sayda studiya əməkdaşını işsiz qoyub
Bakı, 4 avqust, AZƏRTAC
Amerika bədii filmləri və teleseriallarının çəkilişləri ilə məşğul olan “Prague studios” ABŞ Kinematoqrafçılar Gildiyasının təşkil etdiyi tətilə görə əməkdaşların böyük bir qismini işdən çıxarıb.
AZƏRTAC TASS-a istinadla xəbər verir ki, Çexiyada yerləşən kinostudiya 1700 nəfər işçisi ilə yollarını ayırıb. Bu barədə studiyanın rəhbəri Tomaş Kreychi jurnalistlərə açıqlamasında qeyd edib.
Onun sözlərinə görə, Hollivuddakı tətil onlar üçün heç də yaxşı nəticələr verməyib: “ABŞ Kinematoqrafçılar Gildiyasının təşkil etdiyi tətil səbəbi ilə işində mükəmməl olan 1700 əməkdaşımızı işdən çıxarmaq məcburiyyətində qaldıq. Bu məni çox məyus edir”.
Qeyd edək ki, “Prague Studios” 2000-ci ildə Praqada yaradılıb və filmlərin çəkilişi daxil olmaqla, eyni zamanda Çexiyanın paytaxtında yerləşən kinopavilyonları xarici müştərilərə təqdim etmək üzrə ixtisaslaşıb.
Bölmənin digər xəbərləri
