SİYASƏT
İcma: Belçika Ermənistanın manipulyasiya siyasətinə aldanmamalıdır
Bakı, 12 avqust, AZƏRTAC
Qərbi Azərbaycan İcması Belçika xarici işlər nazirinin “blokadanın aradan qaldırılması” ilə bağlı 2023-cü il avqustun 12-də səsləndirdiyi reallıqdan tamamilə uzaq, qərəzli fikirlərini qınayan bəyanat yayıb.
Bu barədə AZƏRTAC-a İcmanın mətbuat xidmətindən məlumat verilib.
Bəyanatda bildirilib ki, İcma Belçikanı Ermənistanın manipulyasiya siyasətinə aldanmamağa, ölkələrin suverenliyi, ərazi bütövlüyü məsələsinə münasibətdə selektiv yanaşmadan çıxış etməməyə və Azərbaycanın daxili işlərinə müdaxilə etməməyə çağırır.
“Belçikanın xarici işlər nazirinə xatırladırıq ki, Azərbaycan ərazisində “Dağlıq Qarabağ” adlı bir ərazi mövcud deyildir. Qərbi Azərbaycan İcması Belçikanın xarici işlər nazirini erməni həmkarı ilə növbəti təmaslarda, o cümlədən özünün anons etdiyi regiona gözlənilən səfəri zamanı qərbi azərbaycanlıların Ermənistana qayıdışı məsələsini rəsmi İrəvan qarşısında qaldırmağa çağırır",- deyə məlumatda qeyd olunub.