İDMAN İCTİMAİYYƏTİNİN NÜMAYƏNDƏLƏRİ OLİMPİYA ÇEMPİONUNUN VALİDEYNLƏRİNİ TƏBRİK ETMİŞLƏR
Avqustun 26-da ölkənin idman ictimaiyyətinin, Gənclər, İdman və Turizm Nazirliyinin, Milli Olimpiya Komitəsinin nümayəndələri Olimpiya çempionu Fərid Mansurovun Binə qəsəbəsində yaşayan valideynləri ilə görüşmüş, onları Afina oyunlarında Azərbaycan komandasına ilk qızıl medal qazandırmış və bununla da həm idman pərəstişkarlarına, həm də xalqımıza böyük sevinc bəxş etmiş oğlunun inamlı qələbəsi münasibətilə təbrik etmişlər.
Fərid Mansurovun doğmaları oğlunun uğurundan fərəh hissi keçirdiklərini deyərək, ölkədə idman hərəkatının inkişafına daim qayğı göstərdiyinə görə Azərbaycan Prezidenti, Milli Olimpiya Komitəsinin Prezidenti İlham Əliyevə minnətdarlıqlarını bildirmiş və xüsusi vurğulamışlar ki, Fərid öz qələbəsini Azərbaycan dövlətinin başçısına həsr etmişdir.
Bölmənin digər xəbərləri
