İkinci qrupda 290 baldan yuxarı nəticə göstərənlər dövlət sifarişli yerlərdə təhsil ala biləcəklər
Bakı, 11 avqust, AZƏRTAC
150 baldan yuxarı nəticə göstərənlərin sayı 10911 nəfərdir. Elə şəxslər var ki, 200 bal toplayıblar, amma blok imtahanında 100 balı toplamayıblar. Onlar qeyd etdiyim 200 bal tələb edən ixtisaslar üzrə müsabiqəyə buraxılmayıblar. Amma 150 baldan yuxarı nəticə göstərənlər müsabiqəyə buraxılırlar.
AZƏRTAC xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib. O qeyd edib ki, ümumi cədvələ baxsaq, 10911 nəfər 13 min 265 yerə sənəd verə bilər. İkinci qrupda düzgün ixtisas seçimi aparılsa, elə də problem yaranmayacaq. Dövlət sifarişli yerlərin sayı bu qrupda 4325-dir. 4126 nəfər 300 baldan yuxarı nəticə göstəribsə, onda 290 baldan da yuxarı nəticə göstərənlərin dövlət sifarişli yerlərdə təhsil almaq imkanı olacaq.
Bölmənin digər xəbərləri
